人声、结他表现最强Onkyo IE-C2

2020-06-16
[导读 ] 喺香港整CM耳机通常要帮衬欧美几间着名大厂,日本货相对少见。上月尾Onkyo难得拣香港做海外第一站,推出三款数码打印CM耳机,勾起咗唔少发烧友兴趣。我哋成功借到其中中价位嘅双单型号IE-C2公模试听,……
人声、结他表现最强Onkyo IE-C2

喺香港整CM耳机通常要帮衬欧美几间着名大厂,日本货相对少见。上月尾Onkyo难得拣香港做海外第一站,推出三款数码打印CM耳机,勾起咗唔少发烧友兴趣。我哋成功借到其中中价位嘅双单型号IE-C2公模试听,音色同体验都令人非常满意,值得一战。

虽则拣耳机梗係以声为重,但太样衰叫你戴出街都唔济喇。IE-C2唔似外国牌子提供图案面板,但订製时有12种外壳颜色任君选择,左、右边可以唔同色,MMCX线材亦有黑/白/红三款。今次笔者借到嘅就係左黄右橙sharp到核爆,线材非常扎实不易纠结,机壳、接口位造工亦唔错,果然係日本製造。

今次Onkyo除咗借助3D数码打印之力,亦搵来西门子合作,参考对方製作助听器嘅经验生产CM系列外壳,用家更可以按需要自选隔音幅度。讲明係媒体试用公模,呢次评测实在冇办法讲畀大家知三种幅度有咩差别,不过隔音及佩戴效果已经十分理想,舒适贴服,仲好戴过对私伙订製半模,同事倾计讲乜基本上听唔到。值得一提佢係业界首款使用抗菌涂层嘅耳机,感觉上卫生啲。

至于最重要嘅音色如何呢?冇run直接听Aimer新碟《daydream》、水树奈奈《恋想花火》等歌曲,感觉佢音色偏暖厚实,音场适中,低频量足而不过火、下潜不俗,中频细节丰富。整体线条唔差,但低音结他勾弦时就会差咁啲,高频延伸性稍有不足,间或出现「到喉唔到肺」嘅焗促感,偶尔更加觉得乐器分离度麻麻太嘈太贴耳。不过IE-C2人声迴响(Reverb)较其他耳机尤其突出,变相令感染力更强,听live音源劲有feel,听到唔想除低。结他声条理分明,木结未算清丽但实净,电结澎湃感十足,唔怪得早有日本知名结他手公开大讚此系列。

人声、结他表现最强Onkyo IE-C2
人声、结他表现最强Onkyo IE-C2◆ Onkyo IE-C2人声、结他表现最强Onkyo IE-C2
人声、结他表现最强Onkyo IE-C2◆ 公模个形都十分fit耳人声、结他表现最强Onkyo IE-C2
人声、结他表现最强Onkyo IE-C2◆ 3.5mm镀金处理插头,出线位包咗层硬胶,冇咁易断人声、结他表现最强Onkyo IE-C2
人声、结他表现最强Onkyo IE-C2◆ 分线位有胶圈繫好人声、结他表现最强Onkyo IE-C2
人声、结他表现最强Onkyo IE-C2◆ 可随意更换其他MMCX升级线材

总结:

老老实实,笔者知道而家CM个价愈做愈低,近六千银拎去帮衬某啲牌子唔只双单元,但当谂到佢係全日本製造就会觉得好合理。另外唔使畀75ohms吓亲,佢实际非常易推,比起笔者常用对耳机(34ohms)听歌音量仲要减两格。顺便畀个建议大家,佢只声底比较适合配冷声player,出嚟效果刚刚好,求其插部停咗产嘅入门级Cowon J3都feel到係两个世界

Onkyo IE-C2规格:

单元:双动铁两路分音

灵敏度:115dB/mW

阻抗:75ohms(@1kHz)

线材长度:1.2m

查询: Towervision (电话: 2553 1151)

定价: $5,880


上一篇: 下一篇: